Tuesday, October 17, 2006

Thoda sa sahi par kabhi to pyaar keejiye

Is raat shabnami ko ikhtiyaar keejiye,
Thoda sa sahi par kabhi to pyaar keejiye.

Jazbaat ki zubaan ko ab samajhiye to zaraa,
Jismo ki ibadat ka eitbaar keejiye.

Is dil ki dhadkane bhi hain ab to machal rahi,
Saanse garam hain ab na intzaar keejiye,

Ye rooh tadapti hai ab is kaaynaat me,
Pal hai ye kohinoor, ab ikraar keejiye.

Zindagi ab hai chal rahi aapki adaaon par,
Ek baar to ab pyaar ka izhaar keejiye.

Is raat shabnami ko iktiyaar keejiye,
Thoda sa sahi par kabhi to pyaar keejiye.

Dated : October 16th, 2006

1 comment:

Prasant said...

Nazdeek yun baith kar to kunn uns badhate hain, Pal bhar ke liye paas bhi aaiye.

Durian to pahle hi pahut hai,
Thoda hi sahi par kabhi to pyar keejiye.